ياساس العماله وياخدم شارون
اعرب عن حقدكم وحجي مضمونه
من يوم السقيفه الحقد هذا البيك
بفطرتكم حقد مدفون تلكونــــــــــــه
ياحسني الخفيف الشيعه ميذلون
دين الله ماقبلو يبيعونـــــــــــــــــــه
مارفعوا علم الشيعه لاسرائيل
ولا فتحوا قناة ودينهه تخونـــــــــه
فكيت السويس وجبت الامريكان
وبالتسعين كل جيشك يضربونــــه
وتنعتنه نوالي انوبه احنه ايران
ومن عدكم علن كامو يكفرونـــــه
احنه اصل العروبه ولبت الاسلام
واحنه المانذل فنكم تذلونــــــــــه
من طاح الصنم كلكم دخلتوا انذار
مسلسل والعرض كلكم تشوفونه
مكانك يالخفيف اباب شرم الشيخ
بس شغل الدعاره الي تجيدونه
عذراً سيدي يا والد الزهراء
روافض امتك كاموا يسمونــه
هذي امتك يا سيد الكونيــــــن
جي حبنه العلي كاموا يكرهونه
نعم احنه روافض نرفض الخذلوك
ونرفض كل عميل مكشر سنونه
نرفض كل حقود يصدر الارهاب
نرفض كل حزب يتحزب الونه
نرفض كل اغا كل كاكه كل دستور
يسلبنه الهويه وبي ينعتونـــــه
عذراً سيدي بمولودك الميمون
وبكل يوم عدوانك يفجعونـــــــه
مسلسل للذبح يوميه جاي نشوف
شما كلنه خلص يرجع يعيدونــــه
صار اعله الهوية الذبح يا مولاي
اليذبح موالي اهله يهنونــــــــــــه
يذبح خمس شيعة يسقط الاحكام
من احكام الصلا والصوم يعفونـه
يذبح عشر شيعة يحصل الفردوس
وامام يصير والوادم يزورونــه
هم عندك علم بالدجل هيج يصير
والدين السمح لهنا يوصلونـــــه
الشاعر
محمد العيســــــــــــاوي
موضوع: رداً على حسني مبارك عن ولاء الشيعة 
الخميس يونيو 21, 2007 2:24 am
