[size=18حي الله الوطن من زاخو حد الفاو
وحي الله فراتة ودجلتة وماية
عراق الكبرياء المايدنك راس
ولانزلهة ابد جف يمنتة الراية
عراق وماكو قط مثلة انوجد بالكون
العراق اصل العروبة وغاية الغاية
سلام اعلة العراق من الجبل للهور
وتحية الكاعة في كل قرية وولاية
وحي الله الحبيبة الصامدة بغداد
الضلت للفداء بكل وكت آية
وانحي النجف والبصرة والانبار
وبديالى وي واسط ثابتة الثاية
وعاشت كربلة التحمل لواء حسين
البوكت المنع نكصدهة مشاية
وحي الله العمارة الشامخة وذي قار
البيوم الحرب ضحن بالدماية
وسلام اعلة السماوة الحد صلاح الدين
وعلى الحلة الجميلة الجنهة المراية
وحي الله الدوانية التظل للدوم
من نصر النصر معتنية عناية
وتحية من الكلب للحرة كردستان
اللسة جفوف اديهه بدمة محناية
معروفة البشر طلقة التصيبة يموت
بس طبع العراقي تموتة الحجاية
العراق اصل الحظارة ومعقل الابطال
العراق من المفاخر يحتوي هواية
عراق حسين والعباس والكرار
ويا ارض المثل ارض الفخر هاية
آنة ابن العراق المايهاب الموت
وانة حب الوطن صايرلي صرماية
وانة ابن الديوانية التشيل الراس
وهي بنت الصدر ما خالفت راية
وشارع سالم اليشهد يظل للناس
شك حلك الامريكي وتنذكر هاية
عاهدنة الصدر ما تبقى الامريكان
واحنة اعلة العهد للدوم وفاية
امن يا وطن ولدك زلم واسباع
وابدمهم الكاعك صفو شراية
][/size]