ياكحل عين القصايد...يامفاتيح الكلام
ياغصن زيتون مايل...لونك الابيض حمام..
ياعـــــــــــراق الدول ناسك؟ وانته للبلدان امام
نزل وحي الشعر بارضك..لبسك باج السلام
...
بصورتك رسموا ..حضارة ونقشوا احروف الكتابة
وعودك الريان زاهي...باقي للحين بشبابة..
..
وجان يطشر موسيقى لكل عتابة
والشمس والكون كلة..يكلة يابة؟
ومايخضــــــــــــر صوت شاعر..الا يسكيه بشرابه
وماتنام الشفة واجدامك ربابة..
ولاكو غير اجفوفك ادك اعلة بابة...؟؟
الشعر سماك شمسة وبعدك انتة الكل سحابة..
..
وفرشت الجلمة جفنها.. ورخت المرسة سفنها..
ولبست الدنيا عرسها..
بغيـــــــــــــــــــــــــــر حضنك ماتنام..؟؟
..
وياحرامات البخت يمك وضاع..ولبسوك اسنين غيرك بالوداع..
وربطوا جفوفك بقالب من صراع..!
والصراع بحور من دم.؟
مانشف جاريه يوم..
والسمة الجرحوها غفلة..من جرحها اتصب نجوم..
رسموا اعلة الشفة..كلمة يالله كوم..
ومن ..يكــــــــــــــــــــــــوم؟؟
بابل الذبحوها للسرفة نذر..
لو جناينها الخطية الضلت ابليه ستـــــــــــر..
لو السياب وبويب..العلنوا اعليهم حظر؟
والفتاوي بكل مجان..والبيانات اشكثــــــــــــر..
لايطب جمهورة يسمع..هذا شاعرهم خطر..
..
ولبسوك ارموش شمعة..ذابت باول دمع
وانتة قيس اشلون ترهم..نار وجدورةة شمع
والضلع..دورة دفاع..وانتة كلب بلاضلع,,
وقطعة قطعة اتحولت كل الخريطة..
وكتبوا اعل الباب...باب!!
وعلكوا قطعة جبيرة.. بيه صورة طفلة تلعب..
وحاضنة بجفها تراب..؟؟
والتراب بنصة دمعة....
اتخضـــــــــــــــــــر بكل طيحة شاب..!
والحسين بلا حزب ماعندة كتلة..
واليئدونة..يتامة..خافوا من الانتخاب..
سجة الصندوك كلفة..خطر درب الاقتراع..
لوتمد ايدك تصوت..مايرد منك ذراع..
ولذلك قرراوا..ذولة اليتامة..
وحاربوا صاروا قضية..
..
عشرة منهم للهوية.......
ومنهم اتلاثين صاروا بندقية..
وراحوا يصوتون لحسين البقية..؟
والوطن وحسين واحد..
وانة شفت احسين يكبر بالوطن..
وانة وامي شفنة صوت اسكينة يتعطر..شجن..
وانة وحدي النوب شفت ام الحســـــــــــــــن
لابسة الليل وسوادة..
منكبة بثوب الشهادة..
ترتل بلحظة عبادة..
ربي هــــــــــــذا الدم لمن؟؟
ربي هذا الدم لمن..
موضوع: أرمــــــــــــــوش ..شمعة..؟ 
الإثنين يوليو 09, 2007 5:14 am
