اذكرك من عليك البرد صج صج
وسهم لحظك لعد الروح صج صج
جبت السم اليه وكلت صج صج
وكلت يمكن شفه بهاي الهدية
تبعد الروح مالك مردنهه
وصار النوح بعدك مردنهه
شكلك عالليالي مردنهه
سل كلبي غيابك حن عليه
حبيبي الكلب من شافك ولعباك
واعرف زين كل حجيك ولعباك
نار الشوك لو باجـــــر ولعباك
تكف كل العب وترد اليه
صبح بالراس من حبك وهملاك
عزيز شلون املنك وهملاك
اجيك بشوك متعني وهملاك
عزيز وشوفغتك عزت علية
حنين شكثر دلالي جمعلاك
وياكلبي الدهر شفته جمعلاك
يمن جناس وديته جمعلاك
اكتبه لو اكص اثنين اديه
بوكتي افراح ما حصلن وصحبيه
يلاويني واشج عينه وصحبيه
لا اخ الفزع ليــــــــــه وصحبيه
حيايه يجيب ويذبهن عليه
الوكت تدريه دوم وياي مرضاك
واكيد الي جرالي وصار مرضاك
بيه يصير ريت اليوم مرضاك
واشيلن علتي وعلتك سوية
صوبني كحل عينك ورمشاك
وكلت هيهات ما امشي ورمشاك
منك وسط دلالي ورمشاك
كحل بصري سباني شلون بيه
صه طبعي ما اكولن عالمنصه
وبخلاقي اضلن عالمنصه
تعرف الصدك فارس عالمنصه
يصوغ اجمل صور بالابجديه
مادوه العشك كلبي وشافه
وانشد من لكه وليفي وشافه
هجي والزم خدوده وشافه
واصيحن هاي من الله العطيه
تسل روحي وترد تنشد عسلهه
وروحي الموت من بعدك عسلهه
شفافي عليك من درت عسلهه
عسل صافي فلا مخبوط مية.
بهواك الكلب يمدلل تمر مر
واتمنه ولو مره تمر مر
نخلنه هواي لو رايد تمر مر
سلال ملكطة محضر هدية
ابعاد وما نده واحــــد بلدنه
ولاجـــــــــن البلد هذا بلدنه
جنه بضيم شو واصبحنه بلدنه
عزتنه وشرفنه بهالهويه
[center]
موضوع: ابوذيات فراتية 
الثلاثاء يوليو 03, 2007 7:03 am
