محبس

طبعي من امشي ادنك مو مذله وهذا طبعي
مالي عدوان التضدني وكلهم يحبوني ربعي
وهذا طبعي العم عليه محبس عل الكاع شفته
وما عجبني هذا لونه ولا حلو وغرني بشذرته
بس خفت واحد يدوسه انكسر كلبي عليه وشلته
وكلت ليش بجيبي احطه قنعت روحي ولبسته
وكامو يسالوني عنه اشكد حلو امنين اشتريته
خفت لا يطلعله راعي من اكللهم لكيته
كمت اجذب هذا غالي هذا رزق الله وعطيته
هذا كوه الباعه ليه مقتنع عكب اشكد نطيته
وصار مني وبيه هوة وجفي عكب الكاع بيته
لكن اهواي نصحني وكلي ما لايك عليك
كالو المحبس حديد وذهب انته اجفوف اديك
مايهم شاريه لكيته المثله هوة يشتريك
ولا يغرك هذا لونه الماي يامه اللوان غير
دنيا بيهه اشكال شفنه مو عجيبه لو ذهب زنجر
اشعجب بس انته اللكيته وغيرك لا شافه من مر
لو شاله ورجع ذبه وكال على الاهات ما اكدر
هيج انته اشكد جميل ولو ردت بالعين تكبر
عوفه واسمع هالنصيحه وكبل لاتنصاب خنجر
وبين هذا وذاك حاير دخت واالاصت عليه
قبلت بالهم ورضيت وما رضه الهم تالي بيه
المحبس الصدفه لكيته صدفه ضاع من اديه
كلت خل يروح فدوه حلهه هوة وهاي هيه
ورجعت لطبعي القديم امدنك امشي ولني شفته
هوة ذاك الضاع مني بيه نيشان وعرفته
جان متوقعني اشيله ونسه بيوم الراح سكته
دست بجدامي على كلبي وشلت رجلي عليه ودسته
كتله ما اريدك يمحبس مثل ما بايعني بعته
وبطلت طبعي القديم ويكفي من طبعي الخسرته

خيال واسع وتشبيه راقي سلمت الأنامل

تقبل مروري
د. السيد عبد الله سالم
المنوفية - مصر