شوفصك

شوفصك والبدر من شاف وجهك غاب ابد ما هل

وعيونك ترف حلوة منهن كل بشر يخجل

ورموشك يحلو الطول بيهن كل جرح ينشل

وشفافك دوة لكل اه من عدهن جذب ينمل

شفتك مدري بيه اصار جل حيلي على شوفك جل

ترهدن دوس فوك جروح كلبي وبيهن تمحجل

اعوفك لو اظل وياك رسيني على صورة حل

لا نه اللازمك بيدي ولا الفركاك اتحمل

تجي ساعة وتغط شهرين وبهاي الكلب ينسل

خلص رمضان باللوعات ودم الكلب وشل

اجانة العيد وانة الشوفتك اتوسل

الله موصي بالفقرة والبابك اجيت اسأل

تطبك بابك بوجهي عساك بيش يمدلل

هوه شم يلبس المحتاز اتشوفه الوادم مبهذل

فكر جاب العمر غركان خلة وياك يتبلل

الشاعر

قاسم الزبيدي