التــــــــــــاج

التاج الشاعر
حيدر كشمر الزيادي

ما محتاج كلشي و كلشي موجود

وما موجود كلشي وكلشي محتاج


ومثل دمع الياوج بعين غر كان

كل الشعب بعيون الوطــن لاج


وبكعبة صبره أضحت هالدموع
ما تقبل تطيح أطوف حجـــاج

يممحلل عل شرا يع كل السنين

كلب مسجون ينطر لحظة افراج

شبه صل الحماد أ منشف الريج
مالك كل صديج بكل وكت هاج

الهندس جفه ابد ما صافح النور

وعمر العين ما تعلة على الحجاج

وعمرك يا وطن كظيتة بالظيم

يومك ما تحسة الة بكلب واج

يل صبرك (علي) ودم كلبك (حسين)

شتصور يحبك يوم حجاج

يربان السفينة الضدك الكون

حته اهلك صفو وي صف الأمواج

نزف الشمس حتمن بالذبح نور
يلهساع تنزف نور وهاج
يل حته انته من انتة انتة محروم
ويل حتة انتة من انتة انتة ملتاج
يل من غيض جرحك يرعد الكون
مثل بركان غيضك في جبل هاج
ذبحوك وذبحت ابذ بحك أعداك
وبدم غيرتك بس انتة من فاج
ذبحوك وبقة يردد صدى الصوت
وخلة الأمل بعثوك السكم راج
الأوداج الجفوف وسيفك أدماك
ونحرك صاح صوت وهز الأوداج
فرق ما بين منهج خطته اجفوف
وفرق ما بين دم ايخطلة منهاج
وفرق ما بين تاج يلبسك العار
وفرق ما بين موت ويلبسك التاج