يالمشيت الكربله بليل وسريت
آنه بتكم بوية جا عدمن بكيت
بوية انته الي كلت باجر نعود
لو علي الاكبر الج باجر يعود
بوية شو مرت ليالي اعله الوعود
بوية جا وين الوعد يالواعديت
بوية شنهو الغيرك والعطلك
بكربله يحسين شنهو الاخرك
ودلي طارش وارضه خدامه لهلك
وخلي اسرج خيلكم لو ما رضيت
حرميت النوم فاركت المنام
ومهد عبد الله يوديلك سلام
البيت خالي بوية والدنيا ظلام
خلافكم يحسين ما ظن غمضيت
اكضي ليلي بحسره وبأه وحزن
وكل ركن بالبيت وي ونتي يون
حن علي يا بعد روحي شو دحن
شنهو ذنبي وحدي بالديره اصبحيت
بوية تدريني عليله ومالي حيل
والعليل شلون لودمعه يسيل
وفوكهه الوحدي يبويه وضلمه ليل
وانته ما ترضه يبويه لو بجيت
بويه عدمن ودعتني يالولي
وياهو عكبك بويه يبره المحملي
ايست يحسين ما ظن رده الي
لو وصلت الغاضريه وحوليت
موضوع: يالمشيت الكربله بليل وسريت 
الأحد يونيو 24, 2007 8:39 am
