كون اليعتلي كرسي القيادة يطي للشعب حقه وزيادة
ملينه الشعارات وإعلام ودعايات
نريد اليحكم بحكمه وأرادة كون اليعتلي كرسي القيادة
سنين يابو سنين وإحنــــه تحــــــــت حكم العفلقية
وجنه نحلم يوم يصـــــدف نشوف آمـــان بهالبرية
وفرج ربك لن اجانـــــــــه وأنكضت ذيـــــج القضية
خمسه وثلاثين عـــــــــــام تجـــــــور بينه الطائفية
راونـــه انـــــــــــواع الظلم نحفر الموتانه ونطـــــــم
كل حاكم يعدنه خصـــــــــم جـــــــي اسمنه الجعفرية
جي حبنه العلي وبيت الرساله سمونه العرب اهل الضلاله
يسمونه روافض جي الهم نعارض
ونوالي الوصي من الولادة كون اليعتلي كرسي القيادة
راحت سنين العجـــــــاف ومابكـــــــــه للبعث طاري
والعدل لازم يعـــــــــــــم وهـــــــــــذا حكم الله ساري
اعفي واتغاضة واسامـح وانسه كل افعال جـــــــاري
وذاك حزبي وكتب عــني واكظــــــــم بغيضي وأداري
يا جاري لا يمته صلــــف مو تدري من اغضب كلف
والله انسفكم نســــــــــف لا دليمي ولا كو ضـــــاري
ارهاب وذبح بسكم يظلام مو كافي الجره من ظلم صدام
يالضاري المقابر فضحتهه المنابــر
خلي الجاهد يبين جهادة كون اليعتلي كرســـــي القيادة
لدمعة عيون اليتامــــــــة حوبـــه واسردلك رواية
عالدجيل وعــــــن حلبجه وهاي وحده من القضاية
شسوه طاغي العصر بيهم جــــــــم قتيل وجم سبابة
حــــــــرم واطفال وشباب جان مجمــــوع الضحاية
البــــــــندر اصـدر محكمه يعـــــــــــدم جميع القدمه
لامن عــــــــدل لا مرحمه مبيته عـــــــــــدهم نوايـة
والانفال ترويلك حقيقـــــــة شلون الموت جان بيا طريقة
طبق كل ظلم عاد وزيـــادة كــــون اليعتلي كرسي القيادة
هذا جانب من نهجهم
موضوع: كعدة سياسية 
الأحد يونيو 24, 2007 8:37 am
