الى الامامين العسكريين (ع)

بونين وهم عهد بالدم إلك ياسيدي نقـــــــــــــــدمة

الك شكوة يبو صالح نرفعهه بمــــــدامعنه
ونعرفك حاضر ويانه ومن ننخـــاك تسمعنه
شفت ياسيدي الظلام طعنتنه بألف طعنــــه
يكبــــة جدك الهادي الوهابي اليوم لوعنه

صرح جدك طاب وعدك ما هزك اثر هــــــــــدمه

ما هان المصاب عليك ونعرف كلـــــبك تجوه
عفاك شكد صبر عندك يامــن للصبر قــــــدوه
نسئل ماهويت شلــون من شفت الصرح يهوه
ابوك وجــــدك ينادون يالمهدي العــــرش دوه

نريد الثار من الاشرار يامن عالكفر نقمـــــــــــــــه

يالمهدي الصبر جم دوب كل يـــــوم بسهم ننصاب
شفـــــــت بكربله التفجير ويــم جدك علي شنصاب
وألف فوك الجسر مولاي ومن غيرك يجـــي طلاب
يبو صالح حــــــزن بينه نشكي والدمع سجــــــاب

دسل سيفك واخذ حيفك من الظالم وجرمـــــــــه

بقايه من اهـــل صفين مــن عــــــدنه تريد الثار
يالمهدي الذبح كل يوم بيـــنه وعنـــــدك الاخبار
بسم الوحــــــده نتذبح وعـــدنه النايحه بكل دار
سل سيفــك يبو صالح واحنه جنودك وانصــار

الك انصار ونريد الثار قسم بحسين ابو اليمه

يبو صالح الك نقـــــــسم بضلع الطاهره الزهـــره
لو تسمـــــــــح مراجعنه جــــــف الضــــدكم نبتره
لجن فاض الصبر مولاي نكــــول وبالكلب حـــسره
أمس ردو بني سفــــيان علينه ونسفـــــو الحضره

علم عندك بكبر جدك بعيونك شفت هدمه

هدمو حضــرة الهادي ضنو شيعنه تنســـــــــاه
وكطعو دربه يالمهدي بأرهاب وذبــــــــح وياه
كل يـــــــوم بمجالسنه نذكر كبته وننـــــــــــعاه
بحزن عاشــور خلينه يالمهدي ألم ذكـــــــــراه

نصيح بهم يمن تعلم بينه شسوة الصدمة

محمد العيساوي

وين الي يجيني ويعتني الكبري
ويواسيني بمصابي ودمعتي وكسري

ادور عالوالي وعيني مشبوحه
مثل حال الغريج اليلفض بروحه
بجيتكم دليلي يطيبن جروحه
بأرض غربه يشيعه خلصت عمري

خلص عمري غريب وبين عدواني
بجيتكم يشيعه يردد لساني
شوكت تينون كبري وتخلص احزاني
واكف وني يشيعة ودمعتي التجري

بدموعي التهل يا شيعة تانيكم
تعالو وياي واسوني واواسيكم
بالحسرات يحبابي اناديكم
بمصابي الله بس لحده يدري

يدري الله بمصابي ولةعتي البيه
جا وين التكوانصار شيعيه
خل تشوف هدموني الوهايه
وصار يبيع بيه الناصبي ويشري

كصت بيه النواصب والتضد حيدر
هم هذا وعد يا شيعتي مكدر
شتكولون باجر لبني من يطهر
منكم ليش محد يوصل الكبري

ما واحد وصلني وكبري ناسينة
وتجاهد عل الكراسي يا موالينة
يصفيهة البريه بسيفة مهدينة
وبجفوفة ينشف دمعتي التجري

دليلي الكم يهل الزوار يبره
ومهظوم وابد مايوم يبرة
شحال الفجرو ياناس يبره
وما واحد وصله بهل الرزية

عترتك يالنبي كعطعو يصله
بجهنم باجر الباري يصله
عجيبه الحظرة ما واحد يصله
غريب وهدموا كبري علية

تريضنا بخبر جيتك وهدنه
جنودك عل الكفر ذبنه وهدنه
بعد ماتنفع العطوه وهدنه
الا بطلعتك يبن الزجية