سار الضعن وحسين للغاضريه
تصيح وتصب العين آل النبي ماشين
للغاضرية
من سارو العباس يحــــدي بضعنهم
وبجفه راعــــي الزود رافع علمهم
للدين اجـــو انصار واضح هدفهم
للدين اجو انصار آل النبي المختار
للغاضرية
كتبو اهل كوفان اقــدم يالحسين
بيك الامل معكــود النصرة الدين
بدين النبي المختار كل احنه ماضين
اقدم يراعي الزود بيك الامل معكود
للغاضرية
من وصل ليهه حسين نكرت وعدهه
العاهدة يا حيف خلفت عهــدهه
لا من شرف لادين يا وسفه عدهه
والبايعو يحسين لا من شرف لادين
للغاضرية
صاحت الحره بصوت يبن امي يحسين
البايعو خانوك يا سلوة العين
انجمعت يبو السجاد اعلينه صوبين
صاحت يبو السجاد بايعو ابن زياد
للغاضرية
جيوش الكفر يحسين انجمعت اليوم
والبيعة ابن ازياد يردونك الگوم
ودون الركب يحسين هل گامت اتحوم
انجمعت الانذال ونعتني بهذا الحال
للغاضرية
ناداهه راعي الزود من عدنه هيهات
الذله للأنذال عالذله منبات
بعزه وفخر والله الشهم لو مات
ما بايع الاشرار المجد للأحرار
للغاضرية
موضوع: مسير ركب الحسين الى كربلاء 
الأحد يونيو 24, 2007 8:32 am
