شيعة الحسين ( عليه السلام) والارهـــــــاب

شيعة الحسين (ع) والأرهاب


فجر وانتحر قربــــــــــــــةً لأبن العاص

وجرب كل مفخخ عنــــــــــــــدك ويانه

وأذبح كل طــــــفل كل حرمه كل رجال

ومـــــــــــــن بعد الذبح كطعهه موتانه

ورثنه ( الا ) ورث من فم ابو السجاد

ما كلنه نعم لأولاد مرجانــــــــــــــه

ربانه الصدر دوم اعله نهج حسين

بس مهدي الولاية نكله مولانه

والينه علي من مبدأ التكويــــــــن

نحسه بكل نفس من الله سوانـــــه

جرب بالذبح لوصح موالــي اليوم

يصرخ يا علي لو حرك السانــــــه

واذا الله فطرنه نوالي اهــــل البيت

وبولاية علي ارضيناه ورضانــــــه

يكفرني عليمن جاي ابـــــــن سعود

ويجاهد عليه وبته عريانــــــــــــــه

يكفرنــــــــي لأن أكصد ازور حسين

وعن بيته وبناته عيونه عميانــــــه

منريد العرب كلهم بلا تمييـــــــــــــز

خــــــــــــــــــدام اليهود التعبد العانه

اول ما وكــــــــــع شافوا صنم بغداد

هجموا عالعراق بروح حميانـــــــــه

اجت كلنه العروبه تطالب التحريــــر

لن كل الاجانه بجفـــــــــــــــــه رمانه

تحدينه المنـــــاية وزرنه كبر حسين

لأن حسين شوكه بعين عدوانـــــــــــه

ووصلنه اعله الجدم للحضر ملهوفين

وجن حسين ضمنه ابين ذرعانـــه

شيعه وعالعهد دوم ويداحي الباب

جــــــــــــــذاب اليكول بيوم نتوانه

يفتر الوكت يا شيعة ابن زيــــــــاد

وبس شيعة علي البالتالي ربحانه

الشاعر

محمد العيساوي
[/size]