اصلي اعلى مـحـمـد مـــن الاكــيــك
واكـــلــك شيـــل دوم ام سبع العيون
لأن حسنـــــك رهــيــب ودوخ الناس
واني الهـــذا اخـــاف من اليحسدون
يــــل شايل شعـــــر من ينحل تكول
ليل وسارح مــــن الله على المتون
وتـــغار الشمس مــــن وجهك امرار
ومتغار الشمس من وجهك اشلون
اذا مثــل الورد جوري على الخدود
اكيد على الشفايف نلكه ساهون
وتــــراتيـــل عـالــثغرك مثل الطيور
مـــن يتناغن بضحكـــــاتك تـــكون
على ازيـــــاكك بعد ما يرهم ازرار
لأن كشخت انهودك تسحر الكون
اوتمايل خـــصرك اشلونه ويهوه
ويـــحب اتبخترك كـــلبي ويهوه
المــثلك بالحسن منهــو ويهوه
الماخذ من كمرنه العالي ضيه
موضوع: ساهون الشفايف (جزء اول) 
الإثنين يونيو 02, 2008 12:28 am
