اعيوني

موضوع: اعيوني السبت أبريل 26, 2008 3:37 am

اعيوني

--------------------------------------------------------------------------------

يمته اعيوني منك يستراحن
من كثر البواجي اخدودي طاحن
وتعال وشوفهه شلون
تريد اطيح العيون
شكثر اهموم منك هنه زاحن
يمته اعيوني منك يستراحن

بعد ما علمتني اعليك تمشي
بعد ماصرت كلشي اتبيع كلشي
ارجع مو وكع رمشي اعله رمشي
بعيوني ارد اخليك
وبجفوني اقفل اعليك
حته اعليك تدري اشكثر ناحن
يمته اعيوني منك يستراحن

شبديك اتكول جا انه اشبيديه
عذرتك يل عشت تسحك عليه
عيونك ماشفتني اتشوف بيه
بس ارجع دخيلك
نظر لعيوني اشيلك
اسنيني بفركتك خلصن وراحن
يمته اعيوني منك يستراحن

طعم النوم بعدك ماعرفته
ولا لون الفرح بعيوني شفته
شيعوضني العمر ذاك النزفتة
وبعد كل هاي السنين
عين اتغار من عين
وكل نظراتي تنشد بيك صاحن
يمته اعيوني منك يستراحن
الشاعر حيدر كشمر الزيادي
الديوانيه الشاميه