مساجلة

الصدك آنه ارومه .. وانت رامي
ؤجمعت الجان طايح ..وانت رامي
تكلي شبيه كلبك .. وانت رامي
بنظرتك وسلبت روحي من اديه

نشدت الناس عنك من شفاك
عليل وصفتي گالو من شفاك
اگل الدمعي ضل اجري من شفاك
لمن يرجع حبيبي الراح اليه


سبه روحي ويگلي من سباهه
واسمعه بهاي اذني من سباهه
المايعرف ابهامه من سباهه
يگص چفوفه ويطم القضية


اعوفن روحي بالونه وسع فاك
يبرحي اشكد احب تمرك وسع فاك
عله العالو يطبعي اشكد وسع فاك
وسكت بمستحه عله العال بية


علامه الوكت روحي علماهه
وعله الحسرات والون علماهه
يكلبي تنوح مالك علماهه
صرت ويه الوكت تلعب عليه




لون الله الي جابك ونهداك
يكول الكلب منعوفك ونهداك
من اشمن ركبتك مره ونهداك
مناعه من الامراض تصير بيه

ضامي وردت يرويني منهلاك
تعز الماي وبذمتك منهلاك
احسبني اجيت اطلب منهلاك
حسوة ماي وتعزهه عليه


ساحرني بطرف عينك ونحلاك
ولنته بحلي يمعود ونحلاك
جذب من كلك انعوفك ونحلاك
عزيز وما اعوفك للمنيه
مساجله بيني وبين الاخ الشاعر زكي محمد علي
الوكت خلا الاصيله مر عداها
الهضم والضيم روحي مرعداها
الدنيه وياه حلوه مر عداها
جفتني ودارت الدنيه عليه


الجناس (بستكانه)

بستكانه.. ويه الروح يسمر
الكلب تكين عندك .. بستكانه
اذا فد يوم صدك .. بستكانه
سنيني اعليك اطشهن واهليه

الجناس// بستك

العقل تكين وانت البيك بستك
ازوّع لو بس ابتفكير بستك
شريطيه وتحوص احواص بستك
دوده وبيهه دوده دائميه

الك ياما الكلب ساهر ولاله
وطلعتك بدر بالظلمه ولاله
لأمرك ماكلت مكدر ولاله
مناي وسلوتي تأمر عليه

الجناس// ولامك

ياهو الي بشوكي انبك ولامك
وياحضن بعدي شالك ولامك
ابوك الما وصل شوكي ولامك
عنيدة مارضت تنطيك اليه

الجناس
عادلة


المكارم لليحب الخير عدله .. عاده له
والعوجه اباديه اتصير عدله
يناضر شاهد ابعيناك عدله
وبشاشة منضره او كصته الضويه

التالي ......... وقاري


ابد ماتوصل الحدي .. وقاري
وحالف ابد ماهينن .. وقاري
لأن أني صدك كاتب.. وقاري
ما يعبر ابد حجيك عليه

الجناس // وقاريك


وقاري انهان وتعله وقاريك
يدارس جنت انه اسهر وقاريك
كتاب انت والك هيبه وقاريك
يموت ابين الحروف الزهيه

التالي ..... مقامه

طورك زين اني اعرف مقامه
والشاعر ذكي ويعرف مقامه
ياخويه الادب مايصلح مقامه
الهذر عالناس والجلمه الرديه

الجناس // وملكه


الشعر فن وخلق راقي وملكه
واميره اليملك احروفه وملكه
وانه الطوعته لحروفي وملكه
مثل اعجينه صار ابين اديه

التالي :....... نباهه

الشاعر يملك بحجيه.. نباهه
ومن تعيل روحـه ؟.. أنباهه
سوح الشعر تشهد .. انباهه
بصمه وما بدت منه الرديه

الجناس // عدلك
يبصمة خير يالمعروف عدلك
اذا مديت حبل اوصال عدلك
تراني بعالم الاشعار عدلك
خبير ولا حرف يعتب عليه

التالي...... شمالي


شتظن ما اعرف حجيك شمالي
يشرجي وجنت اظننك شمالي
هجيت مقصر بحجيي اشمالي
قصور ولا بدت مني الرديه

الجناس // ولعبك
قريت اشعارك وكلبي ولع بك
عشكتك جدك وهزلك ولعبك
حطب كلبي اشتعل وجر ولع بك
تعال وطفي ناري الداخليه

التالي ....... بسمار

منك ماشفت كل طيب بسمار
وطيفك ما ركد بالروح بسمار
هجيت انته وهجائك جان بسمار
زرف كلبي ومصايب سوه بيه

الجناس // ونرد

الهجاك اتعذر ولاموه ونرد
يجافي شذنبه كلبي اعليك ون رد
شوكت ترجع اليه اردود ونرد
ليالي الي كضيناهن سويه

التالي......بلامال

ما مل الكلب ضنك بلا مال
ومو بطران حته ابقه بلامال
شريتك اني الي صاحب بلامال
لأن فارس لكيتك بالبذيـــــه


الشاعر كلنبي ابوصفه وحاله
وملاك الشعر بالفكره وحى له
وسؤال الينطرح دايم وحاله
بيد اليمتلك هلعبقريه

التالي ..... وريدي
جيب ايدك وخليهه وريدي
وبوصلك يضل ينبض وريدي
ريدي الخوه ياروحي وريدي
كل طيب واخو وذاته وفيه

الجناس // وعونه

يشاري ابشر ابود صاحب وعونه
وانت امن الي لو نغفل وعونه
فلس ما نسوه اذا منحب وعونه
تراه اثر عتابك خويه بيه

التالي ......داهمتني


انه المن المصايب داهمتني متني
وغفله خيول وكتي داهمتني
ابد لتظن قوافي داهمتني / اهمتني
اعجنهن عجن بثنين اديه

الجناس // فارس

اريد انيول يوله ونت فارس
ونه ادري ابعكلك النيار فارس
جم مهره بكت من دون فارس
وجم فارس شهم راكب مطيه

التالي......... من الروح


محل الجسد صرت انته من الروح
وملت روحي من اكرب من الروح
بكثر ماكالو الجنه .. من الروح
بيهه شوفتك هجي اليه


الجناس // منحلاي

منحلاي الشمس غارت منحلاي
ورحيق الود عسل شوكه منحلاي
واله الكون بودادك منحلاي
عطيه ومامش اخلافك عطيه
التالي ....... بلاوي


كول شماردت ردي بلا وي
سوه بروحي هجرانك بلاوي
لويت كليبي يمعود بلاوي
ومنك ماشفت غير الاذيه

الجناس // لويته


الحرف لاواني وبشعري لويته
وادليه ابدرب اعوج لويتيه
نهاياته اعله اوراقي او لويته
مثل مزنة عشك تمطر عليه


التالي ........ وزاره

وحك حسين والطافه وزاره
ردتك ماردت الزم وزاره
كلبي بسبب هجرانك وزاره
ثكلن والثكل بين عليه

الجناس// حملاك

انه ابساعة شديد الضــيم حملاك
ولتفكر يمر فد يــــــوم حملاك
اساعد لو ثكل ميزان حملاك
بهرش كلبي اشيلن مو بديه

التالي ............ مناره

يروحي العقل من غيره مناره
وحك كلمن على كبره مناره
كلبي تجوه جم نوبه مناره
لجن كل خله مابانت عليه

الجناس // سملاي


على العدوان وكت الكون سملاي
وصديجي السيف والقرطاس سملاي
الارض للناس وانه يكون سملاي
لان مثل الملك جنحان اليه

التالي ...... طالباني


كضيت سنين عمري .. طالباني
وجنت بس للشهادة .. طالباني
ما تكدر تكلف .. طالباني
يحصلي وضيفه وهاي هيه

الجناس // بدلهه