اربعينية الحسين ( موشح )

باليتامه عاودت من اليسر
كوم وتلكه العقيله يا بدر

كوم وتلكه العقيله والحرم
تدري حيل اختك يبو الغيره انهدم
عليك تنشد وين شيال العلم
كوم ناشدهه يخوهه اعله الخدر

كوم ناشدهه يسبع الكنطره
علم عندك بالعقيله ميسره
يالكلت انتي بوجودي مخدره
شلون من بعدك حده بيهه الشمر

الشمر بعدك حده بذاك الضعن
من الهظيمه عيونهه من دم جرن
الفواطم يالجفيل اتيسرن
كوم ناشدهن تعدن جم مصر

جن نفض تربانكبره ابو الفضل
وصاح يا زينب عيونج لا تهل
حته لو ارواحنه خلصن جتل
انتي بت حيدر واضل بيج افتخر

انتي بت حيدر علي خير العمل
تحزمي بصبرج بكه بيج الامل
جم مصيبه ولوعه دلالج حمل
الله عظم الج يالحره الاجر

آيزينب صاح وعيونه تهمي
تحزمي بصبرج يخيتي تحزمي
عالهوه مذبوح يا خويه وضمي
خل نجيم النوح وانوح بصفر