تسل روحي وترد تنشد عسلهه
وروحي الموت من بعدك عسلهه
شفافي عليك من درت عسلهه
عسل صافي فلا مخبوط مية
ماداوه العشك كلبي وشافه
وسئل من لكه وليفي وشافه
هجي والزم خدوده وشافه
واصيحن هاي من الله العطية
صحت حيهم دخل احمد وشفته
وشفت طوله وشفت خده وشفته
أخالف فتوة العالم وشفته
واريد اكتب عله حميد بذية
*********************
ويه الروح يحمد بستكانه
خدودك جاي جنه بستكانه
امس بالطيف جني بستكانه
وجن روحي مشت للناصرية
************************
عله روحي الهظم والهم تراكم
وما ادري شوكت عيني تراكم
مساكنكم وسط كلبي تراكم
بهيده وياي هم اني خطية
موضوع: الابــــــــــــوذية 
الخميس يونيو 21, 2007 2:47 am
