الولاء

ابرة شلون منك واسمك اول صوت

مر بذني وسمعته بساعة المولد

من عسر مخاض امي وتنخت بيك

وبقت بسمك يحيدر تنخه وتردد

صاحت يا علي ادركني يا ابا الغيث

بألام الولادة محدده تحـــــــــــــــــــدد

تجله النور ليهه يصيح عد عيناج

انــــــــه المندوب للكلفات واليكصد

وبعد وحده تعيش وياي يابو حسين

معجونه ويه دمي بكل عضو تورد

تعلمت المشي والوكفة فوك الكاع

اكومن يا علي واهتف يا علي من اكعد

وربيت اعله حبك يا علي بصباي

ولكيتك بالشدايد يا علي المنجد

اوالي الي يحب وواله داحي الباب

وللضد الصميدة تصير روحي الضد

ماهم لليضدني بفكر ابـــــــو سفيان

وبفكر السقيفة الناصبي يــــــــعربد

حيدر واليبغضك هذا ابن الحيض

عن الله ورسوله بهل الخبر مسند

يقالع باب خيبر والشطر مرحب

وبالاحزاب جندل عمر بــــــــن ود

انه اشتمك هوه عذيبي وتريع الروح

حكهه الروح من تمجدك تمجد

ولو حقدو علينه بحبك الكفار

وكالو عاليحبك يا علي ملحد

عيد الكل موالي الموت يا بو حسين

لان جارك يــــــــــصير وحتماً يعيد

ولأن انته القسيم هناك يا كـــــــــرار

ولأنــــــــــــــــك بالموالي هناك متعهد


الشاعر

محمد العيساوي