حِجرُ الشهادة

موضوع: حِجرُ الشهادة الأحد أكتوبر 28, 2007 7:51 am

حِجرُ الشهادة
دمعه ﭽنت بجفن أمي ومن بـﭽـت صرت آنه ابنهه
أمي رضعتني المصيبه وخلطت الدمعه بلبنه
أمي تنعه وآنه انحب صارلي منبر حضنهه
بونهه ﭽـانت تناغيني وآنه انابيهه اعله ونهه
بالحزن يكبرجرحهه وآنه اكبر وي حزنهه
علمتني اعله المناحه من ﭽنت طفل ابطنهه
آنه ربتني البواﭽـي وما أمل فد يوم منهه
وما تفارﮔني المناحه ولا اهوّد لحظه عنهه
وﮔرّبِِت فد يوم منهه واهمست همسه بأذنهه
الربّت اعله الموت ابنهه حاشه يمه يخيب ظنهه
آنه رايح للشهاده وهاي ساعتهه وزمنهه
حشمتني ارض الكرامه وطلبت الحـﮒ إلوطنهه
دنت ليّه بكل صلابه وحوّلت متني إلمتنهه
بوجهي صدت ببتسامه الما ضحك فد يوم سنهه
وآنه من همي بـﭽيت وهيّه تضحك ولاﭽنهه
ذيـﭻ أمي ام المناحه وﭽـان فن النوح فنهه
دﮔّت بـﭽفهه اعله متني ومسحت ادموعي بردنهه
تـﮔلي روح وداعت الله وخلي أمك وى محنهه
يلي تحضر راح دفنك وانته ما تحضر دفنهه
ودعتهه وكلي لهفه أغفه لو لحظه ابحضنهه
وعانـﮔت أرض الشهاده ومثل ريحة أمي لنهه
ومن رجعتلهه شهيد امخضب بدمي ولبنهه
رجعت امي اعله المناحه وارجعت دمعه بجفنهه
**********************
صفاء الدفاعي 2003

الله الله
ابدعت يا مبدع والله قصيدة تستحق الثناء
احسنت يا ابو احمد

والله قصيد روعة حقيقتا مشكور على القصيدة الجيلة
تقبل مروري مع اطيب التحيات

حيا الله الانامل التي خطت هذه الكلمات

ابكيتني والله

شكر ا يا مبدع