كل مصباح
اتريك ونين واشرب دموع
جبت عمري حزين وبس هظم ونياح
وصابر عل الحزن
بس الصبر جم دوب
لا عف الزمان ولا فرج ينلاح
شري طبع الوكت
راواني ويل الويل
دولبني وشتلي بكل كتر ذباح
عشت ليلي التعده
بحسرتي وبالنوح
وكلت اصبر يروحي وبصبر فلاح
نثرت بكاع غبره
سنيني الف ياحيف
وسحكت الهام بأمال عمري الراح
ومن بيدر صفه
وكلت اجاني الخير
لن كله دغش وتذره بالمرواح
بيتي من الحزن
والسكف جان الليل
هسه الليل صار اعله البشر سفاح
وارد اصبر يروحي
وهم اكول تهون
وكبالي اشوف اشكد تروح ارواح
وارد الطور وني
ودمعة عيوني
وبحسره ادكن راح فوك الراح
كبل نوبات نشتم
بالعكد كافور
بس بيهه نفاهه ويحصل القداح
وجنت اقره المعوذه
من اطلع وياسين
والخوف العليه من الكلب ينزاح
هسه بثوب طه
الجور كام يصير
وبياسين اجونه موشحين اوشاح
ومن ذاك الوكت
مطلوب حد اليوم
جا يمته تفل ويمته كلي ارتاح[center]
موضوع: كل مصباح 
السبت أكتوبر 27, 2007 9:11 am
