تعب فكري وصرت انام.........ومن زمان النوم غاب
وشرغدت بالنوم واحلم.........وما شفت غير العذاب
شفت ﭼن القيد بيــــدي.........وما شفت بالغرفه باب
وشفت صوره معلـﮔيها..........بحايط ..الحايط خراب
إﮔربت يمها وما اشوف.......إمـﭼلـﭼل إعليها التراب
وإﮔربت بـــــحّرت بيها.......ولنها صورة أحلى شاب
وﭼني بالصوره تسولف......إوعتبت بــــــألذع عتاب
صدﮒآنه أنعاف وحدي...وتسحـﮒ بصدري الاغراب
ﮔتله يا هو إنته ما تسولف......إي وحـــﮔك ﮔلبي ذاب
صاح بيًّ بصوت عالي........آنه ابو جبال وهضــــاب
آنه ابو النهريــن يبني
نسيتني وك إعله بختك
نسيتني وآنــــه العراق
موضوع: ارد انام 
الإثنين أكتوبر 22, 2007 4:06 am
