جمهورك جبير .........

جمهورك چبير
وكلهم أيحبوك
مدري بيا رقم
خليت عنواني ...

گلي بيا مكان
أسمي يظل مكتوب
كل باب الأدگه
ايگلي بالثاني ...

مليت الصبر
بس أنته مامليت
خاف مكيف وفرحان
بأحزاني ...

مو قاصر قلم
وأكتبلك الأشعار
بس انته العفتني
بليل مو أني ...

ظلام وحيرة
والأهات مثل النار
وأضم أعله الگلب
ماگتله عافاني ...

أصبر بالگلب
گوة بكلام الشوگ
ذكرك من يمرني
أتشبگه ذرعاني ...

أچذب عالگلب
ما گله عني بعيد
لو يدري بجروحي
أيحارب ألساني ...

شبگتك فرح
حسبالي أليه أتصير
ولاچنت أدري
نار اتصير بأحضاني ...

راح أتندم أعله اللحظة
تمضي أوياك
وأكتب عالگلب
مسدودة بيباني ...

وأكتب عالگلب مسدودة بيباني