يا مدري شأوصفك يا نبع ريحان
يمطرز ورد من راسك لجدمك
يا زيبك وأبد ما لمه جف أنسان
مجنون التدنه ورايــــــد يلزمك
كلت بلكن أوصفك بالشعر يا زين
لن حتى الشعر يتغزل بجسمك
بديت أوصف جمالك وأسرح بمعناك
ولن روحي الرهيفة تايهه برسمك
يا ورد البنفسج والبنفسج غار
من حسنك وأجه ومن خدك يشمك
سبحان الجليل الصاغك وسواك
مو مثل البشر من أحترك عمك
أقسم ما اغالي بوصفك المزيون
شمس أنت وغشيم الرايد يضمك
ناذر من تجي وبعيوني أشوفك جاي
أطش سنين عمري الباقية لأسمك
هذا العيد اجانه وشوفتك عيدين
جا هالبت تجينه وتجلي كل همك
مثل يعقوب بعدك راح مني الشوف
ويرد الشوف من ترجع وأشم هدمك
محمد العيساوي
موضوع: البنفســــــــــــج 
الخميس يونيو 21, 2007 2:29 am
