شمس وكمره
سواهن ربك للرحمه
وبيهن راد الكون ينوره
ومن عدهن ابدع باريهن
انوار تقدسه اعله الفطره
وبيهن وازن كل الدنيا
لا تتحير اسئل واقره
وزن الضوء اشكد يعادل
واشكد يوزن وزن الذره
والمن ربك ابع كلشي
والمن هذا الكون مسخره
اسئل روحك مره وفكر
حته تمييز هاي الفكره
تلكه الانجيل مبينهن
اسفار تحدث عن عتره
ولو مسلم رد القرآنك
تمعن بالقرآن وفسره
تلكه الشمس الضوة كلشي
والآيات تخبر اليقره
حيدر شمس الباري الشعت
ورب الكون يوضح قدره
حيدر روح الهادي ونفسه
حيدر محد يعرف سره
يملك كلشي وثوبه مركع
وجان الأب لكل الفقره
ومقسم يومك من يومه
بضي الشمس ونور الكمره
حيدر شمس الله الماتنظم
والكمره المقصوده الزهره
والانوار المنهه انولدت
القرآن يكول العتره
هذا العدنه وبي آمنه
ومتمسكين لآخر كطره
والخالفهم خالف الله
وما يستاهل حته انذكره
شعبان الخير الكل مسلم
شهر الهادي وبيه البشره
بيه مولود حسين وشبله
والمايدري اليوم انخبره
اليوم انولدت النه الجنه
هذا اليوم الفرحه الكبره
اليوم العباس يشع نوره
ويجلي الظلمه بنور الغره
ولو تم بدر الشهر وكمل
يعني الباري يتمم امره
مولود المهدي الننتظره
ويختم بيه الباري العتره
موضوع: شمس وكمـــــره 
الجمعة أغسطس 17, 2007 11:19 pm
